وزیر ریلوےنے جدید سہولتوں سے مزین عوام ایکسپریس کا افتتاح کردیا

ریلوے کے وزیر خواجہ سعد رفیق نے کہا ہے کہ جون 2017 تک پاکستان ریلویز کی آمدن بڑھ کر 40 ارب روپے ہوگئی ہے جو 2013 میں18 ارب روپے تھی۔
بدھ کو راولپنڈی میں جدید سہولتوں سے مزین عوام ایکسپریس کے افتتاح کے بعد صحافیوں سے باتیں کرتے ہوئے انہوں نے کہاکہ پاکستان ریلویز نے ٹرین کو جدید سہولتوں سے مزین کرنے پراپنے وسائل سے 10 کروڑ روپے خرچ کئے ہیں۔
سعد رفیق نے کہا کہ علامہ اقبال ایکسپریس خیبر میل، اکبر بگٹی ایکسپریس اور بہاو الدین ذکریا ایکسپریس کو بھی جدید خطوط پر استوار کیا جائے گا۔
انہوں نےکہاکہ پاکستان ریلویز نے اپنی کچھ اراضی واگزار کرائی ہے جس پر غیر قانونی قبضہ کیاگیاتھا ۔ انہوں نے کہاکہ ریلوے اسٹیشنوں کی تعمیر اور تزئین و آرائش کا عمل جاری ہے۔