پاک فوج کی جانب سے بازیاب کروائے گئے کینڈین شہری اور اس کی اہلیہ نے امریکا جانے سے انکار کر دیا

اسلام آباد (ویب ڈیسک) پاک فوج کی جانب سے بازیاب کروائے گئے کینڈین شہری اور اس کی اہلیہ نے امریکا جانے سے انکار کر دیا ہے۔ تفصیلات کے مطابق جمعرات کے روز پاک فوج کی جانب سے خصوصی آپریشن کے زریعے دہشت گردوں کے نرغے سے 5 غیر ملکیوں کو بازیاب کروا لیا گیا تھا۔

بازیاب کروائے گئے غیر ملکیوں میں کینڈین میاں بیوی اور ان کے تین بچے شامل ہیں۔ بازیاب کروائے گئے غیر ملکیوں کو امریکی سفارت خانے پہنچا دیا گیا تھا جہاں ان کی امریکا روانگی کے انتظامات کیے جا رہے تھے۔ غیر ملکیوں کو امریکا لے جانے کیلئے سی 130 طیارے کا بندوبست کیا گیا تھا۔ تاہم کینڈین جوڑے نے اب امریکا جانے سے انکار کر دیا ہے۔ کینڈین جوڑے کی جانب سے انکار کی وجہ تاحال نہیں بتائی گئی۔