ذوالفقار علی بھٹو کونسا آسمانی راز جاننا چاہتے تھے جس کیلئے انہوں نے ہندو پنڈت کی خدمات حاصل کیں،

اسلام آباد (مانیٹرنگ ڈیسک) سابق وزیراعظم ذوالفقار علی بھٹو کی پھانسی کی پیشنگوئی ایک ہندو پنڈت نے برسوں پہلے کردی تھی اوریہی وجہ تھی کہ ذوالفقار علی بھٹو نے آخری وقت تک اپنی زندگی کا یہ زائچہ سنبھال کر رکھا جس کا ذکر بھٹو کے ایک قریبی ساتھی اقبال ٹکا خان نے ملک کے ایک معروف آسٹرولوجر سے کیا تھا۔ اقبال ٹکا خان 1973ءسے 1977ءتک وزیراعظم ذوالفقار علی بھٹو کے ذاتی مشیر رہے۔اقبال ٹکاخان آسٹرولوجی سے خاصاشغف رکھتے ہیں۔اقبال ٹکا خان نے معروف

آسٹرولوجر کو بھٹو کے زائچے کے حوالے سے بتایا تھا کہ ”1973ءکی بات ہے، ایک روز میں ذوالفقار علی بھٹو سے ملاقات کے لئے 70 کلفٹن پہنچا۔ معمول کی گپ شپ کے دوران بھٹو صاحب نے مجھے بتایا کہ ایک ہندو پنڈت نے ان کی زندگی کا زائچہ بنایا ہے۔ جس میں ذکر ہے کہ انہیں آگے جاکر پھانسی کا سامنا کرنا پڑے گا کیونکہ مجھے خود بھی آسٹرولوجی سے دلچسپی تھی لہٰذا میں نے ان کی بات کو بڑی غور سے سنا۔ بھٹو صاحب نے یہ بھی بتایا کہ انہوں نے یہ زائچہ سنبھال کر رکھا ہوا ہے۔“