شریف فیملی کی وعدہ خلافی سے سخت شرمندگی ہوئی، این آر او دلوانا بڑی غلطی تھی: لبنانی وزیراعظم

وزیر اطلاعات فواد چودھری کے مطابق لبنان کے وزیراعظم سعد الحریری نے کہا ہے کہ کہ شریف فیملی کو این آر او دلوانا ان کی بڑی غلطی تھی، انہوں نے ایک بھی کمٹمنٹ پوری نہیں کی۔
وفاقی وزیر اطلاعات فواد چودھری نے سماجی رابطوں کی ویب سائٹ ٹویٹر کے ذریعے بتایا ہے کہ وزیراعظم عمران خان اور لبنانی ہم منصب سعد الحریری کے درمیان گزشتہ روز دبئی میں مکالمہ ہوا۔

نواز شریف کو پرویز مشرف سے NRO دلوانے والے سعد الحریری کو وزیر اعظم بتا رہے تھے کہ پاکستان میں پھر نواز شریف کو NRO کی بازگشت ہے ،سعدالحریری نے دونوں ہاتھ اٹھا کہ کہا شریف خاندان کو معافی دلوانا بہت بڑی غلطی تھی انھوں نے ایک کمٹمنٹ بھی پوری نہیں کی اور مجھے سخت شرمندگی ہوئ
— Ch Fawad Hussain (@fawadchaudhry) February 11, 2019
فواد چودھری نے لکھا کہ وزیراعظم عمران خان نے انھیں بتایا کہ پاکستان میں ایک بار پھر نواز شریف کو این آر او کی بازگشت ہے، سعد الحریری نے دونوں ہاتھ اٹھا کر کہا کہ شریف فیملی کو این آر او دلوانا ان کی بڑی غلطی تھی۔
وزیر اطلاعات کے مطابق اس موقع پر سعد الحریری کا کہنا تھا کہ شریف فیملی نے ایک بھی کمٹمنٹ پوری نہیں کی، شریف فیملی کی وعدہ خلافی سے انہیں سخت شرمندگی ہوئی۔