وزیراعظم عمران جمعہ کے روز باجوڑ اور مہمند کے اضلاع کا دورہ کریں گے

وزیراعظم عمران خان جمعہ کے روز باجوڑ اور مہمند کے اضلاع کا دورہ کریں گے۔
شیڈول کے مطابق وزیراعظم ضلع باجوڑ کے صدر مقام خار میں قبائلی عمائدین سے خطاب کریں گے جہاں وہ پودا بھی لگائیں گے۔
وزیراعظم ضلع مہمند کے صدر مقام غلنئی میں نئے تعمیر ہونے والے کیڈٹ کالج کا افتتاح کریں گے۔
توقع ہے کہ وزیراعظم دونوں اضلاع کےلئے متعدد ترقیاتی منصوبوں کا بھی اعلان کریں گے۔
گزشتہ سال مئی میں خیبرپختونخوا میں انضمام کے بعد وزیراعظم عمران خان کا دونوں اضلاع کا یہ پہلا دورہ ہوگا۔