عمران خان کی قیادت میں نئی حکومت پر57فیصد پاکستانیوں کا اظہار اعتماد: آئی آر آئی سروے

انٹرنیشنل ریپبلکن انسٹیٹیوٹ کے سینٹر فار "انسائٹس” (INSIGHTS) کی طرف سے پاکستان بھر میں کئے گئے سروے کے مطابق 57 فیصد پاکستانیوں کو عمران خان کی قیادت میں نئی حکومت پر اعتماد ہے۔
سروے میں کہا گیا ہے کہ پاکستان کے اقتصادی چیلنجز کے باوجود نئی حکومت اور وزیراعظم پر بہت زیادہ اعتماد ہے اور حکومت کی کارکردگی کا اندازہ بنیادی طور پر موجودہ شدید اقتصادی مشکلات سے نمٹنے کی صلاحیت سے لگایا جائے گا۔
وزیر اطلاعات فواد چوہدری نے سروے کے نتائج کے بارے میں ایک ٹویٹ میں کہا کہ یہ سروے نئے پاکستان اور پاکستان تحریک انصاف کی حکومت کی مقبولیت پر مہر تصدیق ثبت کرتا ہے۔

New Pakistan Poll: Strong Approval for PTI Government; | IRI ….. PM Imran Khan approval rating is 57%… PPP and PMLn are not even close to PTI in Public perception https://t.co/oEccBA1oIt
— Ch Fawad Hussain (@fawadchaudhry) March 14, 2019