دفتر خارجہ نے نیوزی لینڈ میں دہشت گرد حملے کے بعد لاپتہ پاکستانیوں کی تفصیلات جاری کردی

دفتر خارجہ نے کرائسٹ چرچ میں دہشت گرد حملے کے بعد لاپتہ پاکستانیوں کی تفصیلات جاری کردی ہیں جس کے مطابق واقعے کے بعد 9 پاکستانی لاپتہ ہیں۔
ترجمان دفترخارجہ ڈاکٹرفیصل کی جانب سے جاری بیان کے مطابق کرائسٹ چرچ کی 2 مساجد میں دہشتگردی کے دوران 9 پاکستانی لاپتہ ہوئے۔ ان میں ذیشان رضا اوران کے والد و والدہ، ہارون محمود ،سہیل شاہد، سید اریب احمد، سید جہانداد علی، نعیم راشد اورطلحہ نعیم شامل ہیں۔ ترجمان کا کہنا ہے کہ نیوزی لینڈ میں ہمارا سفارتی مشن مزید تفصیلات لے رہا ہے۔
دوسری جانب مقامی میڈیا نے دفتر خارجہ کی جانب سے لاپتہ قراردیئے گئے 9 پاکستانیوں میں سے نعیم راشد اورطلحہ نعیم کی شہادت کی تصدیق کی ہے۔ نعیم راشد حملہ آورسے مزاحمت کرتے ہوئے زخمی ہوئے تھے اور بعد میں انہوں نے اسپتال میں دم توڑ دیا تھا۔

List of Missing Pakistanis in NZ terrorism attack:1) Mr Zeeshan Raza2) Father of Mr Zeeshan Raza3) Mother of Mr Zeeshan Raza4) Mr Haroon mahmood, s/o, Mr shahid mehmood, mother’s name Ms sabiha mahmood, resident of rawalpindi born 29/7/1978, age 40yrs1/2
— Dr Mohammad Faisal (@DrMFaisal) March 16, 2019

5) Mr Sohail Shahid, s/o Mr muhammad shabbir, born 6/01/1983, age 40 yrs6) Syed Areeb Ahmed, s/o Ayaz Ahmed, m/n Tanzeem Fatima, r/o Karachi, born 12-10-1992, age 26 yrs7) Syed Jahanand Ali, born 24/01/1985, age 34 years
— Dr Mohammad Faisal (@DrMFaisal) March 16, 2019

8) Mr Talha Naeem, m/n, Shandana, r/o Abbottabad, born 16/7/1997, age 22yrs – missing9) Mr Naeem Rashid, s/o Abdul Rashid, r/o Abbottabad, Our Mission in New Zealand is trying to ascertain further details
— Dr Mohammad Faisal (@DrMFaisal) March 16, 2019
واضح رہے کہ گزشتہ روز کرائسٹ چرچ کی دو مساجد پرفائرنگ کرکے 49 معصوم مسلمانوں کو شہید کرنے کے واقعے کے دوران پاکستانی شہری نعیم راشد نے بھی اپنی جان کی پرواہ نہ کرتے ہوئے دوسروں کی جان بچاتے ہوئے اپنی جان قربان کردی تھی۔