بھارتی فوج کے الزامات سے خلائی مخلوق بھی نہ بچ پائی

بھارتی فوج لاپتا طیارے کا ملبا ڈھونڈنے میں ناکام ہوئی تو گمشدگی کی ذمے داری خلائی مخلوق پر ڈال دی، سوشل میڈیا پر مذاق بن گیا۔
تفصیلات کے مطابق بھارتی نیوز چینلز کے کیا کہنے، ریٹنگ کیلئے جھوٹ اور عقل میں نہ آنے والی بات کا ڈھونڈرا پیٹنے سے بھی نہیں چوکتے۔ مقامی نیوز چینل نے ایک نئی تھیوری لے کر سامنے آیا ہے جس پر بھارت کی اپنی عوام ہی سر پکڑ کر بیٹھ گئی ہے۔ چینل نے دعویٰ کیا ہے کہ گزشتہ ہفتے بھارتی فضائیہ کا لاپتہ ہونے والا طیارہ دراصل ایلین (خلائی مخلوق) لے گئے ہیں۔
یاد رہے کہ ایک ہفتہ قبل بھارتی ائیرفورس کا اے این 32 طیارہ آسام سے اروناچل پردیش جاتے ہوئے 13 مسافروں سمیت لاپتہ ہوگیا تھا جس کا سراغ اب تک نہیں لگایا جاسکا لیکن اب بھارتی نیوزچینل ’زی ہندوستان‘ نے دعویٰ کیا ہے کہ اس طیارے کو شاید ایلینز (خلائی مخلوق) لے گئی ہے ۔