امریکہ نے ایران کو خلیج اومان میں تیل بردار ٹینکروں پر حملوں کا ذمہ دار قرار دیدیا

امریکہ نے کہا ہے کہ ایران خلیج اومان میں تیل بردار ٹینکروں پر حملوں کا ذمہ دار ہے۔
امریکی وزیر خارجہ مائیک پومپیو نے واشنگٹن میں صحافیوں سے گفتگو کرتے ہوئے کہا کہ امریکہ نے حملے میں استعمال ہونے والے ہتھیاروں اور حملے کی نوعیت کا جائزہ لیا ہے۔
انہوں نے کہا کہ ایران کے بلااشتعال حملے کشیدگی میں اضافے کی مہم کا حصہ ہیں اور وہ آبنائے ہرمزکے ذریعے تیل کی ترسیل میں رکاوٹیں پیدا کرنے کی کوششیں کر رہا ہے۔
ادھر ایران کے وزیر خارجہ محمدجواد ظریف نے اس واقعے کو مشتبہ قرار دیتے ہوئے کہا ہے کہ ان کی بحری افواج واقعے کی تحقیقات کر رہی ہیں۔