افغان سکیورٹی حکام کا پاکستانی ٹھیکےدار اور عملے پر تشدد

پاکستان کی جانب سے افغانستان میں زیرتعمیر اسپتال کے پاکستانی ٹھیکےدار اور عملے پر افغان سکیورٹی حکام نے تشدد کرتے ہوئے پاکستانی عملے کو زخمی کردیا ہے۔
ذرائع کے مطابق پاکستان کی جانب سے افغانستان میں زیرتعمیر اسپتال کے پاکستانی ٹھیکےدار اور عملے پر افغان سکیورٹی حکام نے تشدد کیا ہے۔ عملہ جلال آباد سے کابل واپس آرہا تھا، گاڑی روک کر افغان اہلکاروں نے پوچھ گچھ کے بعد تشدد کیا ہے۔
تشدد کا واقع سائروبی چیک پوسٹ کے پاس پیش آیا ہے۔ذرائع کےمطابق عملہ پاکستان کی جانب سے جلال آباد میں زیرتعمیر اسپتال میں انسٹالیشن کرکے واپس لوٹ رہا تھا۔واضح رہے کہ پاکستان افغانستان میں تین اسپتال بنا رہا ہے۔ دو بنائے جاچکے ہیں جبکہ بقیہ ایک پر کام حتمی مراحل میں ہے۔