کرکٹ کے شیدائی کمر کسَ لیں… پشاور زلمی کا ٹیلنٹ ہنٹ شروع

پی ایس ایل کی فرنچائز پشاور زلمی نے نئے نوجوان سامنے لانے کے لیے پاکستان کے خوبصورت شمالی علاقہ جات میں ٹیلنٹ ہنٹ کا آغاز کر دیا۔

تفصیلات کے مطابق پشاور زلمی نے پشاور اور خیبرپختونخوا کے دیگر علاقوں کے بعد پاکستان کے خوبصورت شمالی علاقہ جات میں کرکٹ کے فروغ کا بیڑہ اٹھالیا۔

پہلے مرحلے میں پشاور زلمی کے ہیڈ کوچ اور ڈائریکٹر کرکٹ محمد اکرم نے سوات میں زلمی اکیڈمی کا دورہ کیا۔ اس موقع پر محمد اکرم نے اکیڈمی میں نوجوان کرکٹرز کو کوچنگ ٹپسٹ فراہم کیں اور ٹیلنٹ کو سراہا اور کہا کہ پشاور زلمی کے چیئرمین جاوید آفریدی کے ویژن کے مطابق پورے خیبر پختونخوا اور شمالی علاقہ جات میں زلمی اکیڈمیز بنائیں گے۔

ان کا کہنا تھا کہ پشاور زلمی اس سے قبل خیبر پختونخوا میں گراس روٹ لیول پر کرکٹ کے فروغ کے لیے زلمی ٹیلنٹ ہنٹ، ہائر زلمی ہینڈرڈ پچز پروجیکٹ، زلمی سکول لیگ، زلمی مدرسہ لیگ، زلمی آزادی کپ کا بھی انعقاد کر چکی ہے۔