سرفراز کیخلاف نازیباں الفاظ استعمال کرنیوالے شخص کی ایک اور ویڈیو وائرل

 پاکستان کرکٹ ٹیم کے کپتان سرفراز احمد کے سامنے انکے خلاف نازیباں زبان استعمال کرنے اور پھر وڈیو بناکر سماجی رابطوں کی ویب سائیٹ پر اپلوڈ کرنے والے شخص نے سوشل میڈیا پر شدید ردعمل کے بعد پاکستانی کپتان اور شائقین کرکٹ سے معافی مانگ لی ہے۔

سماجی رابطے کی ویب سائیٹ پر جاری کئے گئے ویڈیو بیان اپنے آپ کو پاکستانی بتانے والے شخص نے سرفراز احمد کے خلاف اپنے رویے کی معافی مانگی ہے۔ اپنے ویڈیو بیان میں اس شخص نے کہاہے کہ وہ خود بھی پاکستانی ہے اور اس کا سرفراز احمد اور اس کے بیٹے کی ویڈیو سماجی رابطوں کی ویب سائیٹ پر ڈالنے کا کوئی ارادہ نہیں تھا، پتہ نہیں کیسے وہ وڈیو کلپ اپلوڈ ہوکر وائرل بھی ہوگیا۔

مزید پڑھئے: لندن میں سرفراز احمد کے ساتھ کیا ہوگیا ؟ ویڈیو سامنے آگئی

اپنے ویڈیو میں اس شخص نے کہا کہ حقیقی بات یہ ہے کہ اس نے سوچا بھی نہیں تھا اس ویڈیو کا اتنا زیادہ ردعمل آئیگا۔ اس نے کہا کہ اسے یہ بھی نہیں پتہ تھا کہ وہ ( سرفراز احمد) حافظ قرآن ہیں۔ میں نے وہ وڈیو فوراً ڈیلیٹ کردی تھی ۔

پاکستان کے کپتان سرفراز احمد کے خلاف نازیبا زبان استعمال کرنے والے شخص نے اپنے وڈیو بیان میں یہ بھی کہا کہ وہ جانتا ہے کہ آپ سب لوگ بہت غصے میں ہیں، ہوسکے تو اسے معاف کردیجئے گا۔