ماضی میں قطر سے تعلقات میں قومی مفادات کے بجائے خاندانی مفادات کو ترجیح دی گئی: فردوس اعوان

وزیراعظم کی معاون خصوصی اطلاعات و نشریات فردوس عاشق اعوان نے کہا کہ امیر قطر کا دورہ بھائی چارے پر مبنی تعلقات کو مضبوط اور فروغ دے گا، ماضی میں قطر سے تعلقات میں قومی کے بجائے خاندانی مفادات کو ترجیح دی گئی، اب قریبی اور خوشگوار تعلقات مضبوط معاشی تعاون میں تبدیل ہونگے۔
معاون خصوصی فردوس عاشق اعوان نے سماجی رابطے کی ویب سائٹ ٹوئٹر پر اپنے پیغام میں کہا ہے کہ امیر قطر کا دورہ بھائی چارے پر مبنی تعلقات کو مضبوط اور فروغ دے گا، پاکستان سرمایہ کاری اور سیاحت میں پرکشش منزل بن کر ابھر رہا ہے، وزیراعظم پاکستان کو سرمایہ کار دوست ملک بنانے جا رہے ہیں.۔

امیر قطر کا پاکستان دورہ دونوں ممالک کے مابین بھائی چارے پر مبنی تعلقات کو مختلف شعبوں میں مزید مضبوط اور فروغ دے گا۔عمران خان کی قیادت میں پاکستان سرمایہ کاری اور سیاحت میں دنیا کے لیے ایک پرکشش منزل بن کر ابھر رہا ہے۔وزیراعظم پاکستان کو سرمایہ کار دوست ملک بنانے جا رہے ہیں۔
— Firdous Ashiq Awan (@Dr_FirdousPTI) June 23, 2019
 انہوں نے مزید کہا کہ ماضی میں قطر سے تعلقات میں قومی کے بجائے خاندانی مفادات کو ترجیح دی گئی، اب قریبی اور خوشگوار تعلقات مضبوط معاشی تعاون میں تبدیل ہونگے۔

ماضی میں قطر کے ساتھ تعلقات میں قومی مفاد کے تحفظ کی بجائے خاندانی مفادات کو ترجیح دی گئی۔اب قریبی اور خوشگوار تعلقات مضبوط اور متحرک معاشی تعاون میں تبدیل ہوں گے ۔دونوں ممالک کے مابین مختلف شعبوں میں معاہدے دو طرفہ تعلقات اور باہمی تعاون کو مزید وسعت دیں گے۔
— Firdous Ashiq Awan (@Dr_FirdousPTI) June 23, 2019