سندھ ہائیکورٹ کیجانب سے شرجیل انعام میمن کی درخواستِ ضمانت منظور

سندھ ہائیکورٹ نے محکمہ اطلاعات سندھ میں 5 ارب 76 کروڑ روپے کرپشن سے متعلق ریفرنس میں شرجیل انعام میمن کی درخواستِ ضمانت منظور کرلی۔
تفصیلات کے مطابق سندھ ہائی کورٹ نے محکمہ اطلاعات سندھ میں 5 ارب 76 کروڑ روپے کرپشن سے متعلق ریفرنس میں پیپلزپارٹی کے رہنما اور سابق وزیراطلاعات شرجیل انعام میمن کی درخواستِ ضمانت پر گزشتہ سماعت پر محفوظ فیصلہ سنادیا۔
عدالت عالیہ نے شرجیل انعام میمن کی درخواست ضمانت منظورکرتے ہوئے انہیں 50 لاکھ روپے زرضمانت جمع کرانے کا حکم دیا ہے۔
واضح رہے کہ اس سے قبل سندھ ہائیکورٹ نے 2 بار شرجیل انعام میمن کی درخواستِ ضمانت مسترد کی تھی۔