تحریک انصاف کی حکومت آئین اورقانون کی بالادستی پر یقین رکھتی ہے: فردوس عاشق

طلاعات ونشریات کے بارے میں وزیراعظم کی معاو ن خصوصی ڈاکٹر فردوس عاشق اعوان نے کہا ہے کہ تحریک انصاف کی حکومت آئین اورقانون کی بالادستی پر یقین رکھتی ہے۔
انہوں نے کہاکہ وزیراعظم عمران خان نے کبھی بھی انتخابات میں ہارس ٹریڈنگ کی حمایت نہیں کی اور سینیٹ کے چیئرمین کے خلاف عدم اعتماد کی تحریک کے دوران ایسے واقعے کی اطلاع نہیں ملی۔ انہوں نے کہا کہ حزب اختلاف کی جماعتوں کے پاس صادق سنجرانی کے خلاف عدم اعتماد کی تحریک لانے کی کوئی ٹھوس وجہ نہیں ہے۔
ایک سوال پرانہوں نے کہاکہ وزیراعظم صوبوں کوبا اختیار بنانے کے خواہاں ہیں اور قومی مالیاتی کمیشن ایوارڈ کے بارے میں چاروں صوبوں کے درمیان پہلے ہی اتفاق رائے ہوچکا ہے۔