کسی ملک کے خلاف پاکستان کی سرزمین استعمال کرنے کی اجازت نہیں دی جائے گی: وزیر داخلہ

وزیر داخلہ اعجازاحمد شاہ نے حکومت کے اس عزم کا اعادہ کیا ہے کہ کسی بھی شخص کو اپنے مذموم عزائم کی تکمیل کے لئے کسی ملک کے خلاف پاکستان کی سرزمین استعمال کرنے کی اجازت نہیں دی جائے گی۔
انہوں نے کہاکہ پوررے ملک میں ہرقیمت پر حکومتی عملداری قائم کی جائے گی۔ وفاقی وزیر نے کہاکہ تحریک انصاف کی حکومت روزگار کے مواقع فراہم کرکے کالعدم تنظیموں کو قومی دھارے میں لائے گی۔
انہوں نے کہاکہ دہشت گردی کے خلاف جنگ میں پاکستان نے کسی بھی دوسرے ملک کے مقابلے میں زیادہ قربانیاں دی ہیں اور اس جنگ میں اسی ہزاربے گناہ افراد نے اپنی جانیں قربان کی ہیں۔